°o.O (إذا جـــــــالك خـــبر موتي؟؟؟ ) O.o

أنا أهنيك من قلبـي قـدرت إنـك تبكينـي
وحـق الله يالغالـي أنـا مـن القلـب هنيتـك

كـذا روحـي تـعللها ولالـي مـن يواسينـي
وأنا اللي بكل معنى الحب والإحساس حبيتـك

أهون عليك ياعمـري كـذا وحـدي تخلينـي
تنسى عشرتي وتروح وعمري كلـه مانسيتـك

حبيبـي قـول مابقلبـك اذا زعـلان صافينـي
تدري كم أنا أحبك وتـدري كـم صافيتـك

أنـا مقـدر علـى زعلـك ولا إنـك تجافينـي
عساني ماتهنـى لـو أنـا فـي يـوم جافيتـك

أريدك ماتصدقهم كـل اللـي حكـوا فينـي
عذول وفيهم الغيره عشان بعمري أنا فديتـك

حبك ساكن بقلبـي ويجـري فـي شرايينـي
عشقتك يوم ماشفتك وخليـل الـروح سميتـك

تدلل بس على روحي ولو تطلـب نظـر عينـي
وحق الواحد المعبود معاه القلب أنا أعطيتـك

ولك مني عهد الوفا أقضـي عنـدك سنينـي
مطيع بكل ماتامـر ولـو حـارس علـى بيتـك

منى نفسي أنا أشوفك ولـو خلسـات يكفينـي
ملكت الكون ساعتها وتاااااااج الراس خلّيتك

حبيبـي لاتعذبنـي تـراه البـعـد يظنيـنـي
ورجيتـك لاتحسسنـي أنـا غلطـان أغليتـك؟

نـار العشـق ياعمـري تــرا بالله تكويـنـي
تشعل في وسط صدري بأول يـوم أنـا ريتـك

حبيبي عوّدلي رجواك قبـل موتـي يوافينـي
قبل لاتنطفـي شمعـة زمـان كـان مضويتـك

مليـك الـروح لاتنسـى إذا ماتقـدر تجينـي
تذّكر يابعد عمري كـم بحيااااتـي تمنيتـك

وإذا جالك خبر موتـي أنـا ماريـد تبكينـي
أنـا ماريـد أتعـذّب عشـان بيـوم بكّيتـك

ترى لي بس طلب واحد انت اللـي توارينـي
تلبسني الكفن بيـدك قبـري تلحـده بغيتـك

ولو تسمح بدل إسمـي شهيـد الحـب سمّينـي
وعلى قبري إزرع ورده دخيـل الله ترجّيتـك

ودوس القبر باقدامك ولو ماتطالعـك عينـي
ترد الروح في جسمي وأنا بالطيـف ناديتـك

وتذكّر قسوتك عندي وظلمـك يـوم ناسينـي
ولمّـا تلعـب بقلبـي شـرى لعبـه مسليـتـك

وسجّل في كتاب الدهر كل اللي جـرى فينـي
عساه الدهر ينصفني وانت بعد ياااااااااريتك